دَش البيت .. دَش المَطبـخ و سلَّم •• قالت : هلا والـله ، والثَــغَـر بسَّــام

شتسوين ؟ قـالت : ياحبيبي اشتَـم •• قال بقلبه: وش صاير امطلعه اودام!

مــو عادتهــا بفنــون العَشـــا تهتَــم! •• عادتهــا طماط وبيض و لوبه و جـام
...
والليلـــه دجــاج امقــطَّـــع امنظَّـــم! •• حوله آآآآآآلو منحوت بشكِــل أرقــام!

وبجنبه السَلَـط نـــــاعِــــم ولا أنعَــم! •• كاسات العصيــــر أحلى من الأفــلام!

والأطبـــاق عادتهــــا تجيــــب الهَــم •• واليوم الصحــن ما يرسمه الرسَّـــام!

كل هـــــذا حقيـــقــي وإلاَّ أتــوهَــــم! •• قال و نظرتـه علامـــــة استفـهــــــام؟

تسلم والله إيـــدچ يالقـــــمــر تسـلم•• قالت: حلو عمري؟ أستحـق اوســام؟

قــال: العَشــا لا يَبــرِد يــ بنــت العَـم •• قــالت: اشعليك!؟ انبطن بـس ونــام

قــال: آكِـل بروحي يعني ؟ واتـقــــدَّم •• قــالت: نَعَم!! تاكل؟! ولا في الأحـلام

خــذ لــك عَشــا يا قلبي من المطعـم  •• واتبـاعَــد شويَّــه ما تشوف ( الكام )؟

هــذا العَـشــا مو للأكِـــــل مـا تفـهـم! •• للتصويـر بـس بـنـزله ( الإنستقرام )!!

الخميس
20 سبتمبر 2012م
نــادر التــتــان